Əcnəbilər Azərbaycanda daşınmaz əmlak ala bilərmi?

Daşınmaz əmlakın alınması ilə bağlı əsas mövzulardan biri, xarici vətəndaşların Azərbaycanda əmlak ala bilib-bilməməsidir. Azərbaycan qanunlarına görə, hər hansı bir əcnəbi yerli vətəndaş kimi, Azərbaycanda fərdi qaydada istənilən tip daşınmaz əmlak ala bilər. Başqa sözlə, xarici vətəndaş və ya vətəndaşlığı olmayan şəxs olsanız, Azərbaycanda torpaq sahəsindən başqa, istənilən tip daşınmaz əmlak ala bilərsiniz.

Azərbaycanda əmlak almaq adətən aşağıdakı prosesləri əhatə edir:
1. Müvafiq bir əmlak tapmaq, fiziki yoxlama və qiymət və şərtlərlə razılaşma;
2. Notariusda alqı-satqı müqaviləsinin imzalanması (Qeyd: notarius tərəfindən təsdiq edilmiş etibarnamə ilə bunu icra etmək olar, əcnəbi şəxsin fiziki olaraq Azərbaycanda olması vacib deyil);
3. Notariat müqaviləsi mərhələsi ilə birlikdə əmlakın qeydiyyatı üçün dövlət reyestrinə müraciət edilir.
4. Mülkiyyət hüququnun qeydiyyat sənədi hazırlanır.

Azərbaycanda yeni tikili binalarda adətən mülkiyyət sənədləri (mülkiyyət sənədləri) olmur və bunun əvəzində alıcı (investor) ilə daxili alqı-satqı müqaviləsi bağlanılır. Bu müqavilənin təhlili və əməliyyatlar zamanı mümkün ola biləcək saxtakarlıqların yoxlanılması üçün hüquqi dəstək tələb olunur. Mümkün problem ondan qaynaqlanır ki, mülkiyyət sənədi olmayan əmlak qeydiyyata alınmır və buna görə daşınmaz əmlakın dövlət reyestrinə daxil olmur.Üçüncü şəxslərin hər hansı bir tələbləri, əmlak üzrə əməliyyatlar, yüklər də eyni səbəbdən qeydə alınmır. Buna görə bu prosesdə xüsusi diqqət tələb olunur.

Torpaq sahəsinin satın alınması

Torpaq sahəsini satın alınması, şirkət (hüquqi şəxs) qeydiyyatdan keçirməklə mümkün ola bilər. Yenə də bu proses əvvəlcədən təhlil edilməli mümkün xərcləri (əmlak və gəlir vergisi şirkətlərdə daha yüksəkdir) əvvəlcədən müəyyən edilməlidir.

Vəziyyətdən asılı olaraq əmlak əməliyyatlarında vergi və əlaqədar xərclər var. Düzgün planlaşdırılıb optimallaşdırılsa, bu cür artıq vergi və xərcləri qanuni olaraq azaltmaq mümkündür.

Əcnəbi şəxs sərbəst şəkildə əmlakını sata bilər və əldə etdiyi vəsaiti istənilən yerli şəxs kimi köçürə bilər. Azərbaycan qanunvericiliyi əcnəbi və ya yerli şəxs arasında bu cür hüquqlara münasibətdə ayrıseçkilik etmir.

Ətraflı məlumat və ya suallarınız üçün bizə müraciət edin.